懷孕30周早產見紅徵兆 丈夫陪伴左右

懷孕30周早產見紅徵兆 丈夫陪伴左右

湯丸仔30wks啦時!轉咗頭仔啦,但媽媽持續見紅,亦不時肚痛,入屯門醫院為妙。始終有些癥狀令爸爸媽媽不能掉以輕心。未到34wks早產,BB肺部未發展成熟,有機會入氧氣箱,對他生命或成長有莫大影響。

入院後,媽媽每日抽血驗血,經歷假宮縮或扯痛 ,身體上我不能分擔或體會到她承受的痛、恐懼。我不能代替她入冷冰冰的產房作檢查,我不能跟她同眠在病床上。作為另一半,除了每日來回醫院探病買外食帶屋企物品之外,唯有就係開解。

醫生曾一度建議打強肺針。 擔心對母嬰有無副作用? 打咗對BB有咩幫助? 成效幾耐? 每次醫生說,對BB不會有副作用,但媽媽可能心跳得較快。之前有傳聞針後會出現骨枯或記性差,但醫生否認了,因為始終不是長期打類固醇。但強肺針藥效只有一星期,若不幸於34周前出世,便不能再打。最後我決定唔打。幸好,媽媽分泌正常了,而且沒再見紅了。

現在踏入34周了,我們仨一切安好 ,媽媽亦回家休養了。湯丸仔,媽媽陀住你經歷太多,記得要錫錫媽媽,記得喺媽咪肚入面住多6星期啦~~

題外話:本來當時心情煩躁,照超聲波時湯丸仔哈哈笑,媽媽開心哂  XD
叻仔識氹媽媽開心,幽默感似足爸爸。


Related Posts